Нийтдээ 157 зогчигч, дээр нь нисэх багийн гишүүдийг тээвэрлэн Ираны Машхадаас Иракийн нийслэл Багдад хотыг чиглэн хөөрсөн Иракийн иргэний агаарын тээврийн онгоцны хоёр нисгэгч нислэгийн явцад хоорондоо хэрэлджээ.
Эл явдалтай холбоотойгоор уг хоёр этгээдийг хоёуланг нь ажлаас нь халах арга хэмжээ авсан байна. Нисгэгчдийн хоорондоо хэрэлдэх болсон шалтгаан нь өчүүхэн бөгөөд тэд хоолноос болж муудалцсан гэнэ.
Тэдний ярьснаар, туслах нисгэгч нь хооллох гэхэд нь ахмад нисгэгч нь зөвшөөрөл авсангүй хэмээн уурлаж, хэрэлдсэн байна. Нисгэгчдийн хэрүүл хооллосны дараа ч, Багдадад онгоц газардсаны дараа ч үргэлжилж, бүр зодоондоо тулжээ. Үүний улмаас тэд хоёул онгоц жолоодох эрхээ хасуулсан байна.