Улсын тусгай хамгаалалттай газар нутагт аялал жуулчлалын зориулалтаар газар ашиглах эрх авсан иргэн, хуулийн этгээд газар ашиглах эрхийн гэрчилгээний хугацааг сунгуулахад 4 байгууллагын 5 газарт хандан хугацаа сунгуулах шийдвэр гаргуулах тухай хүсэлтийг тус тус бүрд нь цаасаар өгдөг байв.
Түүнчлэн шийдвэр гаргасны дараа 6 шат, баталгаажуулах хүртэл нийт 13 үе шаттай байсныг цахимд бүрэн шилжүүлэх бэлтгэл хангагдлаа. Ингэснээр иргэдийн цаг хугацааг хэмнэж, цаасны хэрэглээг бууруулах зэрэг олон давуу талыг бий болгож байгаа юм.