Баян-Өлгий аймгийн Баяннуур сумын иргэн Х ховор ан амьтны жагсаалтад орсон зэрлэг гургуул шувууг хууль бусаар агнаж бусдад худалдан борлуулах зорилгоор тээвэрлэсэн үйлдлийг тус аймгийн цагдаагийн газрын алба хаагчид таслан зогсоож, мөрдөн шалгах ажиллагааг явуулж байна.

Энэ хэрэгтэй холбогдуулан иргэдийг хууль бусаар ан агнахгүй байх, хууль бус ангийн гаралтай түүхий эдийг хадгалахгүй, худалдахгүй, худалдан авахгүй, тээвэрлэхгүй байхыг анхаарууллаа.