ОХУ Украины Киев зэрэг томоохон хотууд руу гал нээж эхэллээ. ОХУ-ын агаарын хүчнийхэн Киевийн онгоцны буудлыг эзлэхээр оролдож байна. Киев хотоос гадна Одесс, Харьков хотуудад энэ мэт хүчтэй дэлбэрэлтийн дуу сонсогдож байна гэж BBC агентлаг мэдээлэв.

Украины гадаад хэргийн сайд Дмитрий Кулебат өөрийн цахим хуудаснаа "Путин Украин руу бүрэн хэмжээний дайралтыг эхлүүллээ. Энх тайван Украины хотууд халдлагад өртлөө. Энэ бол түрэмгийллийн дайн, Украин өөрийгөө хамгаална, ялах ч болно. Дэлхий нийт Путины эсрэг зогсож, зогсоох шаардлагатай байна" хэмээн бичжээ.

Харин В.Путин "Донбасс дахь Бүгд Найрамдах Ард улсуудын ард түмэн тусламж хүсэн Орост хандсан. Үүнтэй холбогдуулан тус бүс нутагт цэргийн тусгай ажиллагаа явуулахаар шийдсэн. Үүний зорилго нь сүүлийн найман жилийн турш Киевийн дэглэмийн хүчирхийлэл, хоморголон устгалд өртсөн хүмүүсийг хамгаалах явдал юм. Найман жилийн турш энгийн иргэд, тэр тусмаа ОХУ-ын иргэдийн эрхийг зөрчсөн этгээдүүдийн эсрэг цэргийн ажиллагаа явуулах болно" хэмээжээ. 

Тус улсын Ерөнхийлөгч В.Зеленский мөн ард иргэдэдээ хандан үг хэлсэн бөгөөд "Бид украинчууд учраас даваад гарна. Боломжтой бол гэртээ байгаарай. Бид улс орныхоо бүх нутаг дэвсгэрт байлдааны бэлэн байдал тогтоож байна. АНУ-ын Ерөнхийлөгч Ж.Байдентай утсаар ярьсан. АНУ олон улсын дэмжлэгийг нэгтгэж эхэлсэн" хэмээн мэдэгдсэн байна.