Намрын тэргүүн Шар бич сарын билэгт сайн өдөр тохижилт үйлчилгээний ажилчдадаа өргөө цагаан гэр гардуулах үйл ажиллагаа “Хот тохижилтын газар” ОНӨААТҮГ- ын Авто баазад боллоо.

Байгууллагын нийгмийн хариуцлагын хүрээнд ажилчдынхаа ажил амьдрал, нийгмийн харилцаанд нь үргэлж анхаарч тэдэндээ тусламж, дэмжлэг үзүүлдэг ээлжит ажиллагаа энэ удаад 11 тоонот гэрийг гардуулан өглөө. Үйлс нь өөдөө тохижилт үйлчилгээний ажилтан ажилчид урмаар тэтгэгдэн гэрээн барьж- буйраа заслаа.

Тооноороо ивээлт эрхсийн заллагатай

Тотгон дээрээ ерөөл билгийн тахилгатай

Тулгандаа галын бурхны даллагатай

Туургандаа ээнэг дулаан нөмөртэй

Өргөө дүүрэн инээд цалгиж, өнөр түвшин,

элбэг дүүрэн буян хурж ерөөл тогтох болтугай...