Дэлхийн шатрын 44 дүгээр олимпиадад Үндэсний шигшээ багийн тамирчин, дэлхийн шатрын холбооны дэд мастер Б.Мөнгөнзул IV ширээнд оноогоороо тэргүүлэн, алтан медалийн эзэн болсон билээ. Түүний энэхүү амжилтыг үнэлж, "Моннис" группийн хамт олноос "Renualt Sandero Stepway" маркийн цоо шинэ автомашин бэлэглэх эрхийн бичгийг 2022 оны наймдугаар сарын 13-нд гардуулж байсан. Тэгвэл өчигдөр “Моннис” группийн ерөнхийлөгч Б.Чулуунбаатар болон бусад албаны хүмүүс “Nissan Juke” шинэ загварын автомашин гардуулж, цаашдын тэмцээнд нь амжилт хүслээ.