АНУ-д сүүлийн жилүүдэд аюулгүй байдлыг үл харгалзан олон нийтийн газарт буу хэрэглэх хэрэг ихсэх болсонтой холбогуулан  бусад улс орнууд жуулчдад галт зэвсэг хэрэглэх аюулын талаар сэрэмжлүүлэг хүргэж эхэлсэн талаар Yahoo News мэдээлэв.

Тухайлбал, Шинэ Зеланд, Канад, Австрали, Их Британи, Франц, Венесуэл, Уругвай зэрэг улс АНУ-д зорчих гэж буй иргэддээ сүүлийн жилүүдэд аялагчдад урьдчилан сэргийлэх арга хэмжээ авахыг уриалсан байна.

Энэ он гарсаар АНУ-д 200 гаруй удаа олноор нь буудан хөнөөсөн хэрэг гарсан гэж тус улсад галт зэвсгийн хүчирхийллийг бүртгэдэг ашгийн бус байгууллага болох Gun Violence Archive мэдээлжээ. Тодруулбал, сүүлийн гурван жилийн хугацаанд АНУ-д 600 гаруй буюу өдөр бүр хоёр орчим хүн буудсан байна.

Улс орнуудын энх тайван байдлыг хэмждэг, тоон болон чанарын 23 үзүүлэлтээс бүрдсэн 2022 оны дэлхийн энх тайвны индексээр АНУ 163 орноос 129-д жагссан гэж тайланд онцолсон байна.

Эх сурвалж:ChinaDaily

Н.Батзаяа