Дорнод аймгийн Хөдөлмөр, халамжийн үйлчилгээний газрын мэргэжилтнүүд Хөдөлмөр, халамжийн үйлчилгээний ерөнхий газарт зочиллоо.

Уулзалт арга хэмжээний үеэр ХХҮЕГ-ын Хөдөлмөр эрхлэлтийг дэмжих газрын дарга М.Батмагнай, Халамжийн үйлчилгээний хэлтсийн дарга А.Чимэгсүрэн нар 2023 онд хөдөлмөр эрхлэлтийг дэмжих болон нийгмийн халамжийн үйл ажиллагааны хүрээнд хийж хэрэгжүүлсэн ажил болон салбарын бодлогын хэрэгжилт, хууль тогтоомжтой холбоотой мэдээлэл танилцуулга хийж, мэргэжилтнүүдийн сонирхсон асуултад хариулт өгч, санал бодлоо солилцлоо.

Мөн энэ үеэр ХХҮЕГ-ын Мэдээлэл технологийн төвийн даргын албан үүргийг түр орлон гүйцэтгэгч Д.Гантулга хөдөлмөр эрхлэлтийн нэгдсэн систем И-Жоб платформ, халамжийн нэгдсэн систем /Ehalаmj.mn/-ийн хэвийн ажиллагааг хангах бусад төрийн байгууллагуудтай цахимаар мэдээлэл солилцоход гарч буй хүндрэл бэрхшээл түүнийг шийдвэрлэх арга замын талаар мэдээлэл, зөвлөмж өглөө.