Хэдэн сар үерхсэний эцэст БНСУ-ын дуучин Ailee хуримын зар дуулгалаа. Тэрбээр “Singles Inferno” шоуны оролцогч Чой Си Хунтай гуравдугаар сард сүй тавьж, ирэх 2025 онд гэрлэхээр болжээ.
Энэ мэдээг бүсгүйн дотны найз хэвлэлд ил болгосон байна. Мэдээ гарахаас өмнө Ailee-г олны танил бус бизнесмэн залуутай гэрлэх гэж байна гэх цуурхал тараад байсан юм.
Сүйт залуу Чой Си Хун нь БНСУ-ын интертаймент салбарт өсөж буй од. Тэрбээр Сөүлд өөрийн ресторан ажиллуулахаас гадна хэд хэдэн телевизийн шоунд оролцож байсны нэг нь хосоо олох “Singles Inferno” шоу юм. Үүнээс гадна “The New Employee”, “I Ate Well Today”, “Romanced”, “Café Kilimanjaro”, “Clumsy Love”, “I Started Following Romance” зэрэг кинонд дүр бүтээсэн байна.