"Үхэж үл болно” киноны Жамуха зэрэг олон түүхэн бүтээлийн дүрээр нь таних Монгол Улсын Хөдөлмөрийн баатар, Ардын жүжигчин П.Цэрэндагва гуайтай Батлан хамгаалахын сайд С.Бямбацогт уулзаж, батлан хамгаалах салбарын 2025 оны бодлого, зорилтын талаар яриа өрнүүлжээ.
Учир нь 2025 оныг Батлан хамгаалах яам “Эх оронч Монгол-Их сэргэлтийн жил” болгон зарласан аж. Үндэсний сөрөн тэсвэрлэх чадавхыг нэмэгдүүлэх, эх оронч үзлийг төлөвшүүлэх бодлого, зорилтынхоо хүрээнд Хөдөлмөрийн баатартай хамтран ажиллахаар ярилцсан гэдгээ С.Бямбацогт сайд дуулгав.
Эх орны хүү болохоор эр цэргийн албаа хааж байгаа байлдагч нарт маань П.Цэрэндагва гуай эх оронч үзэл, хандлага, элгэн садан, эцэг эхээ хайрлан хүндэтгэх, хүн байхын утга учир, мөн чанар эх орон, тусгаар тогтнол, үндэсний дархлаа гээд өргөн сэдвээр лекц унших аж.