Нэгдсэн улсын ард иргэд Ерөнхийлөгч Доналд Трампын засаг захиргаанд 2016 оны сонгуулиас хойш анх удаагаа дүнгээ тавьж байна. Тодруулбал, өчигдөр тус улсад завсрын сонгуулийн санал хураалт эхэлсэн бөгөөд үр дүн нь өнөөдөр тодорхой болох юм.
Завсрын сонгуулиар АНУ-ын конгрессын танхимын 435, сенатын танхимын 35 гишүүнийг дахин сонгох учиртай. Мөн 39 мужийн амбан захирагч болон орон нутгийн чанартай сонгуулиуд болно.
“Аугаа Америкийг дахин бүтээнэ” гэх уриатайгаар 2016 оны сонгуульд Бүгд найрамдах намаас өрсөлдөж, ялалт байгуулсан Доналд Трампын бодлогод ард иргэд ямар үнэлэлт дүгнэлт өгч буй нь энэ сонгуулийн үр дүнгээс тодорхой болох учраас энэ долоо хоногийн олны анхаарлыг татсан сэдвүүдийн нэг нь яах аргагүй уг сонгууль болж байгаа юм.