"Синьхуа" агентлаг Хятадын “Sogou” интернет компанитай хамтран дэлхийд хамгийн анхны телевизийн хиймэл оюун ухаант, тоон нэвтрүүлэгчийг  Дэлхийн интернетийн бага хурлын үеэр танилцуулжээ. 

Тоон нэвтрүүлэгч нь хүний нүүрний хувирал, ярианы болон үйл хөдлөлийн хэв маяг, дуу хоолой, сэтгэл хөдлөлийг дуурайх чадвартай бөгөөд текст бүхий дүрс бичлэгийг оруулахад л мэдээний хөтөлбөр бэлэн болох аж. Мөн бодит нэвтрүүлэгчдийн онцлогийг дуурайн, мэдээллийн хүргэх чадвартай гэнэ. Дээрх бага хурлын үеэр Хятадын алдартай мэдээний нэвтрүүлэгч Цю Хаогийн тоон хувилбар үзэгчидтэй мэндэлж, өөрийн тухай танилцуулж, технологийн зохион бүтээгчдийн талаар дэлгэрэнгүй ярьж, хиймэл оюун ухаан хэрхэн ажилладаг талаар өгүүлжээ.