АНУ-ын экс тэргүүн хатагтай Мишель Обама “Becoming” гэх шинэ номоо ирэх мягмар гарагаас эхлэн худалдаанд гаргахаар болжээ.

Тэрбээр номынхоо нээлтийг нэгдсэн улсын бүх хотуудад хийх бөгөөд тус үйл ажиллагаанд нэрт хөтлөгч Опра Уинфрэй, жүжигчин Риз Уизерспун нарын алдартай найз нөхөд нь оролцох аж.

Тэрбээр шинэ номдоо хувийн амьдрал, охидынхоо тухай ний нуугүй бичсэнээс гадна  нөхөр Ерөнхийлөгч асан Барак Обамагийн  эрхэнд бүдүүлгээр халдаж байсан өнөөгийн Ерөнхийлөгч Доналд Трампыг хэзээ ч уучлахгүй гэж бичжээ. Мөн 2016 оны сонгуулиар олон эмэгтэйчүүд Ерөнхийлөгч болоход төгс тохирох Төрийн нарийн бичгийн дарга асан Хиллари Клинтонд бус хүйсээр ялгаварлагч Доналд Трампын төлөө саналаа өгсөнд цочирдсон тухайгаа ч номынхоо талаар хэвлэлд  ярилцлага өгөхдөө нуугаагүй байна.