Бразилын Рио де Жанейро мужийн зүүн өмнөд этгээдийн Нитерой хотод хөрсний нуралт үүссэний улмаас 14 хүн нас баржээ. Сүүлийн өдрүүдэд тус улсад усархаг бороо үргэлжлэн орж, хөрсний нуралт үүссэнээр асар том хад есөн айлын байшин, нэг пиццаны мухлагийг даржээ.
Гамшигт үзэгдлийн үеэр аврагчид 11 хүнийг аварснаас дөрвийнх нь биеийн байдал хүнд байгаа аж.
Рио де Жанейро хоттой урт гүүрээр холбогдсон Нитерой хотод 2010 онд ч гэсэн хөрсний нуралт үүсч, 50 орчим хүн амиа алдаж байжээ.