Автотээврийн болон өөрөө явагч хэрэгслийн албан татвар, агаарын бохирдол, авто зам ашигласны төлбөр хураах ажил энэ оны нэгдүгээр сараас эхэлсэн бөгөөд хуулийн хугацаа дуусахад долоо хоног үлдээд байна. Тиймээс энэ ажлын явц ямар байгаа талаар Нийслэлийн Татварын газрын Нийслэлийн төсвийн татварын орлогын тасгийн Татварын улсын байцаагч Д.Хатантөмөрөөс тодрууллаа.

-Тээврийн хэрэгслийн ал­бан татвар, агаарын бохир­дол, авто зам ашигласны төл­бөр төлөх хуулийн хугацаа дуу­сахад долоо хоног үлдсэн бай­на. Жолооч нар татвар, төл­бөрөө хугацаандаа төлж амж­сан уу? 
-Нийслэлийн Засаг даргын ба­талсан журмын дагуу тээврийн хэ­рэг­сэл эзэмшигчид албан тат­вар, агаарын бохирдол, ав­то зам ашигласны төлбөрөө зур­гадугаар сарын 01-ний өд­рийг хүр­тэл тухайн тээврийн хэрэгс­лийн сүүлийн оронгоос хамаарч тө­лөх зохицуулалт хийсэн. Ту­хайл­бал, нэг, зургаагаар төгс­сөн ав­томашины улсын ду­гаартай жо­лооч нэгдүгээр сард, хоёр, до­лоогоор төгссөн бол хоёр­ду­гаар сар, гурав, наймаар төгссөн бол гуравдугаар сар, дөрөв, есөөр төгссөн бол дөрөвдүгээр сар, тав, тэгээр төгссөн бол тав­дугаар сард тус тус албан тат­вар болон төлбөр хураамжаа тө­лөхөөр заасан. Нийслэлийн хэм­жээнд хамрагдвал зохих нийт 442074 тээврийн хэрэгсэл бай­гаагаас өнөөдрийн байдлаар 265772 нь албан татвараа төлж, одоо­гийн байдлаар 60.1 хувьтай бай­на. 
-Тээврийн хэрэгсэл эзэм­шиг­чид сар, сардаа татвар, төл­бөрөө төлөхгүй байна гэ­сэн үг үү? 
-Журамд хэрвээ тээврийн хэ­­рэгсэл эзэмшигч тухайн сар­­даа төлж чадаагүй бол да­раа­­гийн сард нь заавал тө­лөх ёс­той гэд­гийг зааж өг­сөн бай­гаа. Энэ хүрээндээ суртал­чил­­гаа, мэдээллийг ч өргөн хү­­рээнд түгээж байгаа. Гэвч сар бүрийн тө­лөлтийн хувь таа­­руу­хан бай­на. Тухайлбал, нэг­­дүгээр сард 64, хоёрдугаар сард 74, гу­рав­дугаар сард 73, дө­рөв­дү­гээр сард 58, тавдугаар сард буюу одоо 29 хувьтай бай­на. Тий­мээс бид Замын цаг­даагийн ал­ба­тай хамтран ал­бан татвар, төл­­бөр төлөөгүй тээв­рийн хэ­рэгс­лүүдэд хяналт тавьж, тат­ва­раа төлөөгүй автомаши­ныг хөдөл­гөөнд орол­цуулахгүй байх арга хэм­жээг авч ажиллаж байна. 
-Уг нь албан татвар, төл­бөр хураах цэг хангалттай ажил­лаж байгаа биз дээ. Яг одоо­гийн байдлаар хэчнээн цэг ажиллаж байна? 
-Нийт 19 цэг ажиллаж бай­гаа. Энэ сард нэмэлтээр най­ман цэг гарч, нийт 27 цэг ажил­­лаж, тээврийн хэрэгсэл эзэм­­шигчдэд үйлчилж байна. Мөн www.smartcar.mn онлайн сис­­те­мийг ашиглаж, албан тат­вар, төлбөрийг онлайн, интер­нет, мобайл банкаар төлөх бо­­ломжтой болсон. Өөрөөр хэл­бэл, тээврийн хэрэгслийн нэгд­сэн цахим үйлчилгээний цахим хуу­дас /www.smartcar.mn/-аар нэвтэрч, QPay үйлчилгээг ашиг­лан төлөх боломжтой бол­сон гэсэн үг. Албан татвар, төл­бөр төлсөн баримт тухайн жо­лоо­чийн и-мэйл хаяг руу ав­то­матаар илгээгдэх бөгөөд тат­вар төлөгч тухайн баримтыг хэв­лэж, тээврийн хэрэгслийн гэр­чилгээнд хавсаргана. Ингэс­нээр аливаа банкинд дугаарлах, тат­вар хураах цэгт очин тамга да­руу­лах зэрэг цаг заваа хэмнэх бо­ломжтой болж байгаа юм. Хэрэв онлайнаар төлөх бо­ломж­гүй бол өөрт ойрхон бан­кинд ал­бан татвар, төлбөрөө төлж, төл­сөн баримтаа өөрт ойр­хон тат­вар хураах дурын цэгт очиж там­га даруулан батал­гаажуулах хэ­рэгтэй. 
-Хуулийн хугацаа дуусахад хэдхэн хоног үлдлээ. Энэ ху­гацаанд амжиж татвар, төл­бөрөө төлөөгүй хүмүүст ямар хариуцлага тооцох вэ? 
-Заасан хугацаанд татвараа тө­лөөгүй хүмүүст Зөрчлийн ту­хай хуулийн 11.19 дүгээр зүй­лийн 14 дэх хэсэгт заасны да­гуу хариуцлага тооцно. Үүнд, “Ав­то­тээврийн болон өөрөө явагч хэрэгслийн ал­бан тат­ва­рыг хуульд заасан хуга­цаанд тө­­­лөөгүй бол төлбөл зохих тат­ва­­рыг нөхөн төлүүлж, хүнийг нө­­­хөн төлүүлэх татварын 10 хувь­­­тай тэнцэх хэмжээний төг­рө­­гөөр торгоно” гэж заасан бай­­гаа. Мөн Замын цагдаагийн ал­­­банаас хуулийн хугацаанд тат­­­вараа төлөлгүй хөдөлгөөнд оролц­­­сон гэдэг үндэслэлээр тор­гуулийн арга хэмжээ ава­хаар байгаа. Тиймээс нийт тээв­рийн хэ­рэгсэл эзэмшигч ир­гэдийг хуу­­лийн хугацаандаа амжиж, тат­­вар, төлбөрөө тө­лөхийг са­нуулж байна. 
-Хэрэгцээнээс гарчихсан тээв­рийн хэрэгслээ нэр дээ­рээсээ хасуулахгүйгээр тат­варын өр төлбөрт ороод яв­даг хэсэг байдаг гэсэн. Эдгээр хү­мүүс тээврийн хэ­рэгслээ нэр дээрээсээ ха­суу­лахын тулд хаана хандах ёстой вэ? 
-Хэрэгцээгүй болсон, ашиг­лах­гүй байгаа тээврийн хэ­рэгс­лээ нэр дээрээсээ хасуу­лах­гүйгээр өр төлбөрт ордог хүн цөөн­гүй бий. Тиймээс эдгээр иргэд яаралтай бүртгэлээс ха­суулах хэрэгтэй. Хасалт хийл­гэх иргэд Нийслэлийн тат­варын газраас то­дорхойлолт аваад, Автотээв­рийн үндэсний төвд очиж ха­салтаа хийлгэх бо­ломж­той. Одоо­гоор оношло­гоо, даатгал, ал­­бан татвар, төл­бөр хураамжаа тө­­лөөгүй 4-5 жил болчихсон 50 орчим мян­­ган тээврийн хэ­­рэгс­лийн жаг­саалтыг гар­га­чих­сан бай­­гаа. Эдгээр тээв­рийн хэ­рэг­сэлд багтсан бол ма­­найхаас то­дор­хойлолт авал­гүй­гээр шууд Авто тээврийн үн­­дэсний төвд очиж хасалтаа хийл­гэх боломжтой.