АНУ-ын Тэргүүн хатагтай Мелани Трамп нөхрийн хамт өчигдөр АНУ-ын Холбооны Онцгой байдлын удирдлагын газарт зочилжээ.  Тэрбээр  эрүүл мэндийн шалтгааны улмаас сар орчим хугацаанд гэртээ бүгсэний эцэст анх удаа олон нийтийн өмнө гарсан нь энэ юм.

Тэргүүн хатагтай өнгөрөгч тавдугаар сард бөөрний яаралтай мэс засалд орсон байдаг.

Тэрбээр хамгийн сүүлд өнгөрсөн сарын 10-нд Мэриланд мужийн Андрьюс агаарын цэргийн баазад очиж, БНАСАУ-аас суллагдаж ирсэн гурван америк иргэнийг угтан авах ёслолд оролцсоноос хойш олон нийтийг хамарсан үйл ажиллагаанд оролцоогүй юм.