Нидерландын хатан Максимагийн эмэгтэй дүү Инес Зоррегите Аргентины нийслэл Буэнос Айрес хот дахь гэрээсээ нас барсан байдалтай олджээ. Тэрээр цэл залуу 33 настай байсан юм.
Үхлийн шалтгааныг одоогоор эцэслэн тогтоогоогүй боловч, албаныхан амиа хорлосон гэж үзэж байгаа аж. Талийгаачийн цогцсыг өчигдөр гэрээс нь олсон байна.
1984 онд төрсөн Инес Зоррегите урлагийн авьяастай нэгэн байсан бөгөөд дуулахаас гадна, гитар тоглодог байжээ.
Гэвч, сүүлийн жилүүдэд сэтгэл гутралын өвчинд нэрвэгдэж, 2012 онд Буэнос Айрес хот дахь сэтгэцийн эмнэлэгт хэвтэн эмчлүүлж байсан гэнэ. Энэ хэрэгтэй холбоотойгоор Нидерландын хатан Максима ойрын өдрүүдэд төлөвлөсөн бүх олон нийтийн үйл ажиллагааг цуцалжээ.