АНУ-ын Цагаан ордонгоос ирэх долоо хоногт Сингапурт болох АНУ-БНАСАУ-ын төрийн тэргүүнүүдийн дээд хэмжээний уулзалтад мэргэжлийн сагсанбөмбөгийн од тамирчин Деннис Родман оролцохгүй гэдгийг баталжээ.
Деннис Родман нь Умард Солонгосын төрийн тэргүүн Ким Жон Уны дотны найз гэгддэг. Тэрбээр Ким Жон Ун БНАСАУ-ын удирдагч болсноос хойш нийтдээ таван ч удаа Пхеньянд очиж байсан юм.
Харин “Нью-Йорк пост” тэргүүтэй хэд хэдэн сонин сүүлийн үед түүнийг түүхэн уулзалт болох энэ сарын 12-ны өдөр Сингапурт байна хэмээн мэдээлж байсан. Гэвч, Цагаан ордон уг мэдээллийг няцаажээ.