Москва-Улаанбаатар чиглэлийн онгоцоор ирсэн Франц улсын иргэнээр шинэ коронавирусийн халдвар илэрсэн билээ. Энэ таоаар Эрүүл мэндийн сайд Д.Сарангэрэл “Өнөөдрийн хүртэл коронавирусийн халдвар Монголд бүртгэгдээгүй байлаа. Харамсалтай нь гаднаас зөөвөрлөгдөн бүртгэгдлээ. Тухайн иргэн гуравдугаар сарын 7-ны өдөр бие зарайгаад байна гэсэн өгүүлэмжтэй кэмпийнхээ эмчид хандсан. Халууныг нь үзэхэд 37.4-тэй байсан. Гадаадын иргэн халуурсан шинж тэмдэгтэй байсан. Түүний уулзсан, галт тэргэнд хамт зорчсон, зочид буудлын ажилчид зэрэг хүмүүсийн бүртгэлийн энэ сарын 7-ноос эхлэн хийж, хаягжуулалт хийсэн. Улаанбаатар 40, Дорноговь аймагт 80 хүнтэй уулзсан. Эдгээр хүмүүст өөрийгөө тусгаарлах зөвлөмж өгсөн. Галт тэргээр зорчсон 28 хүн, онгоцонд тухайн иргэний суудлаас урагш, хойш, хажуу талын тус бүр гурван эгнээний зорчигдын нэрс бүгд байгаа. Өнгөрсөн шөнө 01:30 цагт шинжилгээний хариу гарсан даруйд иргэдийн нэрсийн дарааллын дагуу ХӨСҮТ-д авчирч, шинжилгээ авч байгаа. Франц иргэн Дорноговь аймагт кэмпдээ тусгаарлагдсан. ХӨСҮТ-ийн хоёр баг шаардлагатай эм, тариа, тоног төхөөрөмжтэйгээр Дорноговь аймгийг зорьсон. Францын Элчин сайдын яамнаас манайд бичиг ирүүлсэн. Уг бичигт “Онош батлагдаагүй байхад тухайн улсын болон компанийн нэр хүндэд халдаж, олон нийтийн зүгээс ялгаварлах хандлага гарахаас болгоомжилж байна. Мөн Франц иргэний орчуулагч болон түүний гар барьж мэндчилсэн хүмүүс, KFC-гийн хоол хүргэж өгсөн ажилтан зэрэг хүмүүсийг нэгдүгээр хавьталд тооцон тусгаарласан. Голомтод ажиллаж байсан эмч, мэргэжилтнүүдийг 14 хоногийн хугацаатай тусгаарлана" гэв.