Өмнөговь аймаг, Гашуунсухайт боомтод ажиллаж буй экспортын тээврийн жолооч нарыг дархлаажуулах ажил үргэлжилж байна. Жолооч нар болон Өмнөговь аймгийн эрүүл мэндийн байгууллагын ажилтнуудыг Хятадын “Sinopharm” үйлдвэрийн 13 мянган хүн тун вакциныг хийх аж. Өмнөговь аймгийн хэмжээнд эхний ээлжинд дархлаажуулалтад хамрагдах 13 мянган зорилтот хүний 11860 нь уул уурхайн салбарын ажилтнууд бол нүүрс тээврийн 157 аж ахуйн нэгжийн жолооч нар болон 1019 нь тус аймгийн эрүүл мэндийн байгууллагын эмч, ажилтнууд байх юм.
ХАЛДВАРЫН эсрэг дархлаажуулалтын ажилд гааль, хил хамгаалах байгууллага зэрэг байгууллагын 121 ажилтан, алба хаагчийг дараагийн ээлжинд хамруулахаар төлөвлөжээ. Тухайлбал, Гашуунсухайт боомтод тав, Шивээхүрэнд гурван цэг ажиллах юм байна. Харин Даланзадгадад хоёр цэгээр эрүүл мэндийн байгууллагын ажилтнуудыг дархлаажуулахаар төлөвлөжээ.
Жолооч нарыг ажлын ээлжийн хуваарьт тохируулан дархлаажуулах бөгөөд нэг баг өдөрт 150 хүнийг вакцинд хамруулахаар тооцсон байна. Өөрөөр хэлбэл, эхний ээлжийн 4000 хүнийг тав хоногт багтаан дархлаажуулахаар төлөвлөжээ.