Гэр бүл, хүүхэд, залуучуудын хөгжлийн газар, Харилцаа холбооны зохицуулах хороо хамтран интернэтийн аюулгүй байдлыг хангах зорилгоор шүүлтүүрийн программыг нэвтрүүлж байгаа билээ. Энэ талаар Харилцаа холбооны зохицуулах хорооны мэргэжилтэн, ажлын хэсгийн ахлагч Т.Батболдоос тодрууллаа.

-Хүүхдүүд нь интернэт ашиг­­лахдаа ямар сайтад хан­­далт хийж байгаа ту­хай мэдээлэл эцэг эхийн ут­­санд очдог аппликейшн бий болгоно гэж байсан. Уг апп­ликейшн хэрэглээнд нэв­тэрсэн үү?
-Насанд хүрэгчдэд зориулсан цахим хуудаст хүүхэд нэвтэрсэн тохиолдолд эцэг эхийнх нь гар утсанд мессэжээр мэдэгдэл очдог шүүлтүүрийн аппликейшн хийхээр төлөвлөж байсан. Гэвч төсөв мөнгөнөөс эхлээд ший­дэгдэхгүй асуудлууд гарч ирсэн учраас хүүхдийн ца­хим хандалтын мэдээллийг хадгал­даг шүүлтүүрийн программыг хий­хээр болсон. Гар утсанд мес­сэжээр очсон мэдэгдлийн төл­бөрийг хаанаас, хэн гаргах вэ гэх мэт асуудал их байсан тул өөр хэлбэрийн аппликейшн хийж байна. Бидний хийж буй апп­ликейшныг эцэг, эхчүүд гар утас, компьютертоо суул­гаад насанд хүрэгчдэд зо­риул­сан, хүүхдэд хориотой сай­тад хандалт хийж болохгүй то­хиргоог хийнэ. Ингэснээр ту­хайн төхөөрөмжөөс хориг­ло­сон сайт руу хандалт хийж бо­лохгүй бөгөөд ямар сайтад хан­далт өгсөн тухай бүх мэ­дээлэл хадгалагдаж үлдэнэ. Эцэг эх­чүүд хадгалагдсан мэ­дээл­лийг ха­раад, хянаад явж болно.

-Хэ­зээнээс хэрэглээнд нэвт­­рүүлэх вэ, одоогоор апп­ли­кейшныг бүтээх ажил хэдэн хувьтай явж байна?
-Одоогоор судалгаа нь хийг­дээд явж байна. Ямар ч байсан энэ ондоо багтааж хэрэглээнд нэвтрүүлэх зорилт тавьсан байгаа.

-Насанд хүрэгчдэд зориул­сан сайт руу нэвтрэхийг хо­риглосон гадаадын маш олон шүүл­түүрийн апп байдаг. Та бүх­ний хийж буй апп үүнээс юугаараа өөр байх вэ?
-Гадны орнуудын нэвтрүүлсэн шүүлтүүрийн программууд олон бий. Үнэтэй, үнэгүй гээд олон төрөлтэй. Үнэтэй апп­ликейшн нь хэдийгээр маш сайн ажиллагаатай боловч хэ­тэрхий өндөр үнэтэй байдаг. Ха­рин үнэгүй апп нь гацах, шаард­лагатай шүүлтүүрийг хийж чаддаггүй гэх мэт олон асуу­дал байдаг. Хамгийн гол нь бүгд гадаад хэлээр байдаг тул Монголын хэрэглэгчид ашиг­лахад бэрхшээлтэй байдаг уч­раас та­таж аваад, ашиглаад явна гэ­дэг хэцүү. Тиймээс бид Гэр бүл хүүхэд залуучуудын хөгж­лийн газартай хамтран хэ­рэг­лэг­чийн шүүлтүүрийн мон­гол аппликейшн хийе гэж са­наа­чил­сан юм. Ард түмэндээ хэрэг­лэ­хэд хялбар, ухаалаг гар утас болон бүх төрлийн компьютерт суух боломжтой аппликейшн хэлбэрээр хийж байна.

-Та бүхний хийж буй апп­ликейшн ямар үнэтэй байх вэ?
-Иргэдэд үнэгүй татуулахаар тө­лөвлөж байгаа. Хамгийн гол нь тухайн аппликейшныхаа ча­нарт маш их анхаарч байна.

-Монгол хэлтэй шүүлтүү­рийн программ өмнө нь гарч байсан уу?
-Монголчуудын бүтээсэн, мон­гол хэлтэй шүүлтүүрийн апп­ликейшн гэж байхгүй. Бидний хийж байгаа энэ аппликейшн анх­ных. Уг аппликейшныг гар утас, суурин болон зөөврийн ком­пьютертээ суулгаад шүүл­түүрийн тохиргоог эцэг эхчүүд өөрсдөө хийх ёстой. Ингэснээр насанд хүрэгчдийн сайтад зөв­хөн өөрийн нэвтрэх нэр, нууц үгээ оруулж байж хандалт хийх боломжтой болох эсвэл огт хандалт өгч болохгүй байдлаар ч тохиргоог хийж болно.