Өнөөдөр буюу есдүгээр сарын 21-ний өдрийн 12.41 цагт Сонгинохайрхан дүүргийн нутаг дэвсгэр, Тахилтын орчимд зам тээврийн ноцтой осол гарч, хоёр хүүхэд мөргүүлсэн хэрэг гарчээ. Ослын улмаас 12 настай эмэгтэй "Н" ослын газарт амиа алдаж, 13 настай эмэгтэй "Х" хүнд гэмтэл авч, ГССҮТ-д хүргэгджээ. 

Тээврийн цагдаагийн албаны Мөрдөн шалгах газраас уг хэргийг шалгахад "Тоёота приус" маркийн тээврийн хэрэгсэл жолоодож явсан эмэгтэй жолооч уг хэргийг үйлдсэн бөгөөд согтууруулах ундаа хэрэглэсэн байхдаа машин жолоодож яваад уг хэргийг үйлдсэн гэх мэдээлэл байгаа юм.