Монгол Улсын Ерөнхийлөгч У.Хүрэлсүхийн санаачилгаар Хөвсгөл нуурын эко системийг хамгаалах, нуурын ёроолын аюултай хог хаягдлыг цэвэрлэх, бохирдлыг бууруулах зорилгоор живсэн тээврийн хэрэгслийг илрүүлэх, байршлыг тогтоох, татан гаргах ажиллагааг зохион байгуулж байгаа билээ.

Татан гаргах ажиллагааны хүрээнд 2021 онд 1985 онд живсэн "Сүхбаатар" хөлөг онгоцыг, 2023 онд 1968-2016 оны хооронд живсэн долоон тээврийн хэрэгслийг татан гаргаж, 34,7 тн бохирдлыг аюулгүй болгоод байна.