Элэгний В, D вирустэй хүмүүс нийгмийн даатгалын сангаас групп тогтоолгох боломжтой байдаг аж. Энэ талаар НДЕГ-ын дэргэдэх Эмнэлэг хөдөлмөрийн магадлах төв комиссын нарийн бичгийн дарга Т.Лхагвадоржоос тодрууллаа.

-Элэгний В, D вирустэй хүмүүс нийгмийн даатга­лын сангаас групп тог­тоол­гох боломжтой гэсэн. Энэ талаар дэлгэрэнгүй мэ­дээлэл өгөхгүй юу?

-Элэгний үрэвсэлтэй буюу архаг гепатиттай гэсэн онош­той хүн бүхэн группт орохгүй гэж ойлгох хэрэгтэй. Элэгний эм­гэг болон В, D вирусын ар­­хаг үрэвсэлтэй хүмүүс группт ордог. Энэ хоёр ви­ру­­сын аль нэг нь байгаад пе­­гин­терферон эмчилгээ хийл­­гэж байгаа тохиолдолд групп тогтоолгох боломжтой. Яагаад заавал пегинтерферон эм­чилгээ хийх хугацаанд гэж оруул­сан бэ гэхээр эдгээр ви­русын идэвхжил өндөр. Энэ эмчилгээг хийхээс өөр аргагүй. Уг эмчилгээг хийж байх хугацаанд л группт оруул­на. Элэгний үрэвслийн нэг л заалт байдаг. Бусад нь цир­роз. Элэгний цирроз гэдэг нь элэгний хатуурал өвчний үед группт орох заалттай байгаа. Элэгний үрэвслийн группт орох заалтад элэгний вирус нь өндөр титрээр то­дорхойлогдсон байдаг.

-Тэгэхээр А, В, С ви­рус­тэй хүмүүс групп тогтоол­гох боломжгүй гэж ойлгож бо­лох уу?

-Болно. Дархлаа дэмжих, элэг хамгаалах эм ууж, эм­чилгээ хийлгэж байгаа хү­мүүс группт орох гээд бай­даг. Элэгний вирустэй бүх хүн группт орно гэсэн юм байх­гүй. Яагаад гэхээр В болон D вирусын шалтгаант архаг үрэвсэлтэй хүн групп тогтоолгоно гэсэн байдаг. А, С яагаад ороогүй вэ гэхээр А бол харьцангуй гайгүй үрэвслээр явагддаг вирус. С вирусээр үүссэн элэгний архаг үрэвслээр С вирусийг устгах эмүүд их гарсан. Тэгэхээр тэр эмүүдийг уугаад хөдөлмөрийн чадвар алдалтыг тогтоох шаардлагагүй гэж үздэг. Харин B болон D вирус харьцангуй хоруу чанар ихтэй вирусүүд байдаг. Элгийг хүнд гэмтээдэг, үрэвсэл үүсгэдэг. Энэ үрэвслийн шинж өндөр байгаа үед оруулна гэж заасан байдаг. Юу гэсэн үг вэ гэхээр молекул биологийн нарийн шинжилгээ хийдэг. Энэ үед титр их илэрсэн тохиолдолд пегинтерферон эмчилгээ хийнэ. Эмчлэх хугацаа нь нэг жил байдаг. Энэ хугацаанд л группын асуудлыг шийддэг.

-Групп тогтоолгох бо­ломж­той эсэхийг эмч мэд­нэ гэсэн үг үү?

-Элэгний үрэвсэлтэй хүн бүхэн хөдөлмөрийн чад­вар алдалт тогтоолгох шаард­лагагүй гэж үздэг. Ту­хайн хүнд эмчилгээ хийж бай­гаа тохиолдолд өөрийг нь хя­на­даг төрөлжсөн мэргэж­лийн дотрын болон өрхийн эм­чийн заалт байгаа учраас хур­лаар оруулна гэсэн үг. Хө­дөлмөрийн чадвар алдал­тын хувь, хугацааг тогтооход ту­хайн хүн би группт орно гэж ирээд орчихдог юм бол биш. Яагаад гэхээр тэр хүн ямар нэгэн өвчтэй бол хамгийн түрүүнд онош тодорсон байх ёстой. Оношоо тодруулчихаад тэр хүн эмчилгээнд яв­на. Шинжилгээ өгнө. Тэ­гээд на­рийн төрөлжсөн мэргэж­лийн эмчийн хяналтад орно. Ту­хайн хүнийг хөдөлмөрийн чад­вараа алдалтын хувь, хуга­цаа тогтоолгох шаардлагатай гэж үзэх юм бол хянаж бай­сан эмч, эмнэлэг хянал­тын ко­мисс, эмнэлэг хөдөл­мө­рийн магадлах комисс гэсэн хоёр ко­миссоор дамжиж байж группт ордог. Энэ хоёр ко­­мис­соор орж байж хөдөл­мө­рийн чадвараа алдсан хувь, ху­­га­­цааг тодорхойлуулна гэ­сэн үг.

-Хэдэн хувиар групп тог­тоолгох боломжтой вэ?

-Элэгний үрэвсэл хүндрээд ирэхээр элэг хатуурах өвчин болдог. Элэг хатуурах өвчин үе шат болгоноороо группт орох заалттай. Хөдөлмөрийн чадвараа алдалт ердийн өвчин 50-иас дээш хувь байдаг. 50-70 хүртэлх хувь хөдөлмөрийн чадвар хагас алдсан. 70-аас дээш хувийг хөдөлмөрийн чадвараа бүрэн алдсан гэж үздэг. Өвчний заалт тус бүр дээр үе шат, хүндрэлээрээ хувь, хугацаа нь өөр өөр бай­даг. Элэгний үрэвслээр бол заалт нь 80-89 хувь гэж байдаг.­