Нийслэлийн нутаг дэвсгэрт 12 дугаар сарын 5-6-нд шилжих шөнө үргэлжлэн орсон цасыг “Хот тохижилтын газар” ОНӨААТҮГ, дүүргүүдийн тохижилт үйлчилгээний 35 байгууллагын 1200 гаруй хүн, 150 гаруй тусгай зориулалтын машин техникээр цэвэрлэж байна.
Нийтийн эзэмшлийн гол болон туслах авто зам, хотын алслагдсан замуудад халтиргаа, гулгааг арилгах тусгай зориулалтын 148 тонн бодис, 292.5 тонн давс цацлаа.
Нийслэлийн хэмжээнд нийт 4917.5 тонн давс, 5598 тонн бодисын бодит үлдэгдэлтэй байна. Цэвэрлэгээний ажил хуваарийн дагуу үргэлжлэн хийгдэнэ.
