Монголын хүүхдийн ордон 2020-2021 оны хичээлийн жилийн элсэлтээ өнөөдрөөс эхлэн энэ сарын 11-ний өдрүүдэд 09:00-17:00 цагийн хооронд өөрийн төв байрандаа авахаар болжээ. Энэ хичээлийн жилд 24 төрлийн дугуйланд бүртгэл хийж, нийт 38 анги хичээллэх аж.

Хүүхдийн ордны дугуйланд Ерөнхий боловсролын 3-12 дугаар ангийн сурагчид хамрагдах бөгөөд эцэг, эхчүүд хүүхдийнхээ төрсний гэрчилгээний хуулбар, нэг хувь цээж зураг шаардлагатай.  Харин бүжиг, дуулаач, драм болон хөгжмийн дугуйланд орох хүүхдүүд бүртгэл дууссаны дараа хөдөлгөөний эвсэл, уян хатан байдал, сонсголын шалгалт зэргийг өгч, тэнцсэн тохиолдолд дугуйландаа орох юм.