Өнөөдөр Баян-Өлгий аймгийн ихэнх сумын нутгаар нойтон цас орж байгаа юм байна. Тус аймгийн Ус цаг уур, орчны шинжилгээний төвөөс энэхүү мэдээллийг өгсөн бөгөөд Өлгий, Буянт сумын нутгаар хур тунадас орж байгааг мэдээлжээ.

Тус аймгийн нутагт сүүлийн өдрүүдэд эрс хүйтэрч байгаа бөгөөд энэ сарын 08-ны өдөр хүртэл шөнөдөө 3 градус хүрч хүйтэрч байгаа аж. Дашрамд дурдахад, Ус цаг уур орчны шинжилгээний газраас мэдэгдсэнээр өнөө шөнө баруун аймгуудын нутгийн хойд хэсгээр, маргааш өдөр баруун болон төвийн аймгуудын нутгийн зарим газраар бороо орно, дуу цахилгаантай бороо орох юм байна.

Харин баруун аймгуудын нутгийн зарим газар, төвийн аймгуудын нутгийн хойд хэсгээр, 5-нд ихэнх нутгаар, 6-нд төв, зүүн, говийн аймгуудын нутгаар, 7-нд нутгийн зүүн өмнөд хэсгээр бороо орох бөгөөд ихэнх нутгаар эрс хүйтрэх учраас малчид, тариаланчдад анхааруулга хүргүүлжээ.