Онцгой байдлын ерөнхий газраас Увс аймагт зохион байгуулж буй Гамшгаас хамгаалах бэлэн байдлын үзлэг өнөөдөр эхэллээ. Уг үзлэгийг явуулах, мэргэжил, арга зүйн зөвлөгөө өгөх, удирдлага зохион байгуулалтаар хангахаар ОБЕГ-ын тэргүүн дэд дарга, бригадын генерал Г.Ариунбуян, Гамшгийн шуурхай удирдлагын газрын хэлтсийн дарга, дэд хурандаа Ж.Дамдинсүрэн нараар ахлуулсан ажлын хэсгийн бүрэлдэхүүн тус аймгийн 10 суманд Гамшгаас хамгаалах бэлэн байдлын үзлэгийг зохион байгуулах юм.
Үзлэг шалгалтаар сумдын гамшгаас хамгаалах мэргэжлийн ангийн бэлтгэл бэлэн байдал, гамшгаас хамгаалах төлөвлөгөөний хэрэгжилт, хүч хэрэгслийн үүрэг гүйцэтгэх чадварыг дээшлүүлэх талаар хэрэгжүүлж байгаа үйл ажиллагааны чиглэл болон өвөлжилтийн бэлтгэл ажилтай танилцаж, мэргэжил, аргазүйн зөвлөгөө өгч ажиллах аж.
Онцгой байдлын ерөнхий газрын даргын энэ сарын 14-ний өдөр баталсан А/290 дугаар тушаалын дагуу зохион байгуулагдаж байгаа тус бэлэн байдлын үзлэг аравдугаар сарын 01-нийг хүртэл үргэлжилнэ. Мөн Ажлын хэсгийн бүрэлдэхүүн Завхан аймгийн 12 суманд гамшгаас хамгаалах бэлэн байдлын үзлэгийг зохион байгуулаад байгаа аж.