Ихэнх нутгийг хамарсан усархаг борооны уршгаар орон нутгийн зам эвдэрчээ. Тодруулбал, Өмнөговь аймгийн Даланзадгадаас Баяндалай хүрэх чиглэлийн хатуу хучилттай авто замын 58-60 километрт 30 орчим метр газар өнгөрсөн шөнийн орсон борооны улмаас эвдэрсэн байна. Иймд тээврийн хэрэгслийн жолооч нар тус чиглэлийн замаар зорчихгүй байхыг холбогдох газруудаас анхааруулсан ажээ.