Өмнөговь аймагт үргэлжлэн орж буй борооны улмаас Улаанбаатар-Даланзадгад чиглэлийн автозамыг тодорхойгүй хугацаагаар хаахаар болжээ.

Энэ сарын 27-28-нд шилжих  шөнөөс орж эхэлсэн усархаг борооны улмаас тус аймгийн төв Даланзадгад сумаас Баяндалай хүртэлх автозам эвдэрч, автомашин зорчиход хүндрэлтэй нөхцөл байдал үүссэн байна. Өчигдрийн байдлаар Өмнөговь аймгийн Онцгой байдлын газарт иргэдээс Даланзадгад сумаас Баяндалай хүртэлх автозамд үерийн улмаас саатсан тухай 30 гаруй дуудлага иржээ. Тиймээс аймгийн онцгой комисс яаралтай хуралдаж, уг замыг хаахаар шийдвэрлэсэн байна.