Замын цагдаагийгийн газрын баруун талын шинэ гүүрний В хэсгийн хөдөлгөөнийг өнөөдөр нээлээ. Ингэснээр Нарны замаас баруун гар тийш эргэн Их монгол Улсын гудамж руу орох боломжтой ажээ. Дөрвөн эгнээтэй, 477 метр урт, төмөр бетон үндсэн гүүрийн хөдөлгөөнийг өнгөрсөн есдүгээр сард нээсэн юм. Харин туслах гүүрүүдийн хөдөлгөөнийг ийнхүү нээж байна. Нийслэлд шинээр баригдсан тус гүүр нь замын түгжрэлийг арилгах, хөдөлгөөний эрчмийг нэмэгдүүлэхэд чухал нөлөөтэй гэж үзэж байгаа билээ.