Нэрт соён гэгээрүүлэгч, Говийн ноён хутагт Дулдуйтын Данзанравжаагийн мэндэлсний 220 жилийн ойд зориулан зохион байгуулсан “Дэмчогийн эгшиг” яруу найргийн наадамд оролцсон 77 яруу найрагчийн шүлэг, яруу найргийн “Дэмчогийн эгшиг” номыг хэвлүүллээ.
Мөн Өмнөговь аймагт зохион байгуулсан Уран үгсийн чуулганд оролцсон яруу найрагчдын болон “Эгшиглэнт говь” яруу найргийн наадмын 2022 ,2023, 2024 оны оролцогчдын шүлгийг эмхтгэн, “Уянгын цэнхэр говь” шүлгийн номыг хэвлүүллээ. Тус номыг Аймгийн Засаг даргын үйл ажиллагааны “Нутгийн хишиг” хөтөлбөрийн хүрээнд орон нутгийн төсвөөс зардлыг шийдвэрлэсэн бөгөөд “Хос хас пресс” хэвлэх үйдвэрт хэвлүүлэв.
“Дэмчогийн эгшиг” номонд энэ цагийн шилдэг яруу найрагчид, "Болор цом"-ын эздийн говийн болон Данзанравжаагийн тухай шинэ уран бүтээл болох 150 гаруй шүлгийг багтаалаа.