ЕБС-ийн багш нарт зориулсан “Статистикийн арга зүйн гарын авлага” номын нээлт өнөөдөр 10.00 цагт БСШУСЯ-ны дөрвөн давхрын 401 тоотод болно.
Номын нээлтэд Боловсрол, соёл, шинжлэх ухаан, спортын сайд Ц.Цогзолмаа, Үндэсний статистикийн хорооны дарга А.Ариунзаяа, АНУ-ын Алабама Их сургуулийн доктор, профессор Жеймс Кохран, Боловсролын хүрээлэнгийн захирал, доктор М.Итгэл оролцоно.
БСШУС-ын сайд Ц.Цогзолмаа, ҮСХ-ны дарга А.Ариунзаяа нар Ерөнхий боловсролын сургуулийн 1-11-р ангийн математикийн сургалтын цөм хөтөлбөрийн статистикийн хичээлийн агуулгыг сайжруулж, сурагчдын математик, статистикийн мэдлэг, чадварыг хөгжүүлэх зорилгоор 2017 оны арваннэгдүгээр сарын 3-нд хамтарсан тушаалд гарын үсэг зурсан юм. Тэгвэл энэ хүрээнд ЕБС-ийн багш нарт зориулсан гарын авлагыг бэлтгэн гаргажээ.