Ж.Батзандан Б.Хурцаас уучлалт гуйна

78

Тагнуулын Ерөнхий газрын экс дарга Б.Хурц БНСУ-д суух Элчин сайдаар томилогдохтой холбогдуулан УИХ-ын гишүүн Ж.Батзандан багагүй эсэргүүцэж гүйсэн. Тэрбээр, Б.Хурц бол “алуурчин”, С.Зоригийн хэргийг буруу шүүж олон хүнийг хэлмэгдүүлсэн, Худалдаа хөгжлийн банкны хэвлэлийн төлөөлөгч шиг ажиллаж, улстөрчдөд 49 хувийг авч өгөхөд тусалсан гэх мэтээр хэвлэл мэдээллээр ярьсан юм.

Мөн Б.Хурц АН-ын бүлгийн даргын өрөөнд сууж байхад намайг хүн явуулж оронд чинь ална гэж хэлсэн гэх мэтээр мэдээлэл хийж, төрийн хамгаалалт хүсч байлаа. Харин Б.Хурцын тухайд Ж.Батзандан гишүүн нэр төр, алдар хүндэд нь халдаж, гүтгэлээ гэж үзсэн учраас шүүхэд хандаж нэр төрөө сэргээлгэхээр болсон билээ.

Тэгвэл Баянзүрх дүүргийн Иргэний хэргийн анхан шатны шүүхэд Б.Хурцын нэхэмжлэлээр УИХ-ын гишүүн Ж.Батзанданд холбогдох хэргийг хэлэлцэж, Ж.Батзанданг буруутай гэж үзжээ.

Тэрбээр, хэвлэлийн хурал зарлаж, мөн соошл хуудас, хэвлэл мэдээллийн хэрэгслээр түүнийг гүтгэсэн учраас яг энэ замаараа эргэж уучлалт гуйх болж байна.